ជំងឺទឹកនោមផ្អែម

ពត៌មានទូទៅ

ជំងឺទឹកនោមផ្អែមគឺជាជំងឺដែលបណ្តាលមកពីការឡើងជាតិស្ករនៅក្នុងឈាម ហើយក្នុងពេលតែមួយ អ្នកជំងឺខ្លះ អាចមានការបញ្ចេញជាតិស្ករក្នុងទឹកនោម។ ជំងឺទឹកនោមផ្អែមមាន២ប្រភេទ ប្រភេទទី១ និងប្រភេទទី២ ដែលក្នុងនោះ ប្រភេទទី២ កើតញឹកញាប់ជាងគេ។ ជំងឺទឹកនោមផ្អែមប្រភេទទី១ ភាគច្រើនកើតលើមនុស្សវ័យក្មេង (Juvenile Diabetes or Insulin-dependent Diabetes)។ ជំងឺទឹកនោមផ្អែមប្រភេទទី២ ភាគច្រើនកើតទៅលើមនុស្សពេញវ័យ ដែលក្នុងនោះ មានការសុាំនឹងអ៊ីនស៊ូលីន ឬមានការធ្លាក់ចុះនៃអ៊ីនស៊ូលីន ធ្វើឲ្យកោសិកាមិនអាចស្រូបយកជាតិស្ករពីក្នុងឈាមដើម្បីយកទៅផលិតថាមពល បណ្តាលឲ្យជាតិស្ករនៅក្នុងឈាមកើនឡើងប៉ុន្តែអស់កម្លាំង និងឃ្លានស្ករបន្ថែមទៀត។

ការឡើងជាតិស្ករមួយចំនួន ដូចជាជំងឺទឹកនោមផ្អែមដែលកើតលើស្រ្តីដែលមានផ្ទៃពោះ (Gestational diabetes) និងការឡើងជាតិស្ករដំណាក់កាលដំបូង (Prediabetes) យើងអាចបញ្ចៀសបាន។

រោគសញ្ញាមួយចំនួននៃជំងឺទឹកនោមផ្អែម

រោគសញ្ញាស្រាល៖

• ស្រែកទឹក និងនោមញឹក

• អស់កម្លាំង ល្វើយ ខ្ជិល ខួរក្បាលខ្សោយ

• ស្រកទម្ងន់ ឬដុះក្បាលពោះ

• ឃ្លាន ប៉ុន្តែកាន់តែញុាំ កាន់តែឃ្លាន កាន់តែអត់កម្លាំង

• ស្រវាំងភ្នែក

• ស្បែកឡើងខ្មៅក្រាស់ ពិសេសជុំវិញកញ្ចឹងក និងក្លៀក

• ស្ត្រីអាចប្រែប្រួលរដូវ ឬឡើងទម្ងន់

• គេងមិនសូវលក់ ឬគេងលក់មិនស្កប់

• ស្ពឹក ឬក្រហាយបាតដៃ បាតជើង

• រលាកផ្លូវនោម ផ្លូវដង្ហើម ឬរលាកស្បែក

• ឡើងសម្ពាធឈាម និងជាតិខ្លាញ់

រោគសញ្ញាធ្ងន់ធ្ងរ៖

• ងងឹតភ្នែក

• ដំបៅជើង ត្រូវកាត់ជើង

• ឈឺ ឬគាំងបេះដូង

• ខ្សោយ ឬបែកសរសៃឈាមខួរក្បាល

បើលោកអ្នកមានរោគសញ្ញាដូចខាងលើ លោកអ្នកគួរប្រញាប់ទៅជួបវេជ្ជបណ្ឌិតភ្លាម កាន់តែឆាប់ កាន់តែល្អ ដើម្បីចាប់ផ្តើមការព្យាបាលកុំឲ្យខកពេលវេលា។

មូលហេតុបណ្តាលឲ្យកើតជំងឺទឹកនោមផ្អែម

កត្តាប្រឈម